عرض مشاركة واحدة
  #11  
قديم 20-07-2019, 11:17 AM
الصورة الرمزية أساس
أساس أساس متواجد حالياً
عضو الشبكة الليبرالية
 
تاريخ التسجيل: Jul 2017
رقـم العضـويـة : 43159
الجـنــس : ذكر
المشاركات: 1,722
أعجبني: 308
تلقى إعجاب 261 مرة في 231 مشاركة
افتراضي

اقتباس
مشاهدة المشاركة المشاركة الأصلية كتبت بواسطة ايام حلوه
سبحان الله دارت الدنيا عليكم .. كنتم تعذبونا بالأسئلة القديمة من السنوات الماضية ، وتقولون انتم درستوها لازم تعرفونها .. حتى لو كانت ماهي من المنهج .. وتستقعدون للطلاب بأسئلة تعجيزية ..
واليوم الإختبارات صارت عليكم زعلانين من الإختبارات اللي هي اصلا تخصصكم في الجامعة ، معطينكم ثلاثة شهور إجازة سنوية تعطلون مع الطلاب ، وتبون فوقها تجيكم العلاوة باردة مبردة ..
إحمدو ربكم ، مدرسين المراحل الإبتدائية والمتوسط والثانوية في الغرب مايطلعون من الدوام الا 3 العصر .. مو زينا هنا يطلع 12 الظهر او 1 ونص الظهر ..
قالت الدولة ندربكم في الإجازة ونرفع من قدراتكم ومهاراتكم .. قلتو لا خلونا نايمين ، حتى تحضير للدرس أغلبكم ماتحضرون لدرس اليوم الثاني .. ماتبون محاسبة ولا تطوير واذا قالت الوزارة حصة نشاط زايدة تتباكون وتتحلطمون في تويتر ..
اضبطو انفسكم وخلو عنكم الدلع ، اللي نسى دراسته في التخصص اللي تخرج منه ، المنهج والكتب موجودة ماطارت يراجعها الله لا يهينه وانتهت القضية ، يعني ماجاهم زهايمر فجأة الا يوم قالو لهم نبي نختبركم ؟ هي مادة وحده أجل وش يسوي الطالب عندهم أكثر من مادة لازم كل سنه يذاكرها وكل سنه معلومات جديدة عليه ..
اللي يقهر أنكم ماتشوفون الا مشاكلكم فقط ، طيب ومشاكل الطلاب ليه ماتتكلمون عنها ؟ والا الطلاب خلصت مشاكلهم وحليتوها كلها ، ومابقى الا انتم ؟ مثل مالطلاب ينحرمون من الاختبار ويعيدون ويحملون المواد ، أو يستقعد لهم مدرس او دكتور ويحاسبونهم على كل صغيرة ويطفشونهم من حياتهم واذا راحو بيسجلون في الجامعات قالو لازم نسبة عالية .. كذلك المدرسين والدكاترة لازم يتأكدون انهم على المستوى المطلوب ويختبرونهم ويضعونهم تحت المجهر . ويكافئون المجتهد ويحرمون اللي مبزوط تدريسه مش حالك .
نعرف حركاتكم قبل مايجي يطب عليكم المشرف التربوي في اليوم الثاني ، ينتشر الخبر في المدرسة وكل مدرس يدرس الموضوع حق بكرة ، علشان يسوي نفسه مدرس مثالي جميع الطلاب فهمو درسة أمام المشرف التربوي ويعطي تقييم كاذب للمدرس ، وكأن المدرسة تعلم الطلاب كيف التحايل وكيف تغش في عملك من أجل مصلحتك الشخصية وليس للمصلحة العامة .
هذا غير حركات النذالة من المدرسين ، اللي يمنعون سيارات الطلاب توقف قريبة من البوابة ، فقط سيارات المدرسين . طيب بعض الطلاب جاء المدرسة بدري وهذا شارع عام من حق أي طالب أن يركن سيارته محل مايبي . والمفروض مصلحة الطلاب مقدمة على مصلحة المدرسين .. مايكفي أن سندوشتات الكبدة تأتي بكميات قليلة وتكون محجوزة فقط للمدرسين وممنوعة على الطلاب ؟ واذا جت الفسحة الثانية وشافو عمال المقصف أن المدرسين طلباتهم قلت على سندوشتات الكبدة ، قامو ببيعها على الطلاب على نهاية فترة الفسحة الثانية حتى لا يخسرون .
هذا غير منع الطلاب الخروج من المقصف بالطعام الى الساحات الخارجية ، بسبب الكتمه وردائة التكييف وعدم وجود كراسي تكفي للجلوس .. لكن المدرس مسموح له أخذ الطعام من المقصف والخروج به حيث يشاء ، حتى لو أراد الإفطار في المكتبة او غرفة المدرسين فهو معفي عن القوانين .
ماادري وش ناوين توصلون الطلاب من رسالة ، أن الطالب والمدرس ليسو متساوين في العدل ؟ وآخر ماتفكر فيه المدرسة هم الطلاب .. انظرو الى حمامات الطلاب وحمامات المدرسين لتعرفو ماذا أقصد .. لماذا لا تصبح كلها نظيفة وبها صيانة ؟ لماذا هذه الفوقية والتعالي ؟ الدولة وضعت المدرس والدكتور من أجل خدمة الطلاب أبنائنا وبناتنا .. وليس العكس .. بعض المدرسات تعطي الطالبات الهدايا وتدفع من جيبها الخاص .. أما المدرسين لم نرى منهم ريال يعطى للطلاب .. بخلاء بشكل غير طبيعي .. لا نسمع منهم غير التشكي والنواح لماذا درجات الطلاب ليست عالية في الإمتحان ، بسبب شرحك الخايس وأدائك الضعيف .. ويضع اللوم على الطلاب أنهم مايذاكرون ويتوعدهم في الإمتحان القادم ..

نطالب بزيادة عدد ساعات اليوم الدراسي ، ماتجي الساعة 12 يتغدى الطلاب ، بعدها يجلس كل مدرس مع الفصل يساعدهم في فهم وحل الواجبات اللين الساعة 3 العصر ، مثل مدارس اوروبا وكندا وامريكا واستراليا واليابان وجنوب كوريا وروسيا .. الخ ، مو يطلع الطالب يزعج امه والا ابوه ساعدوني في حل الواجب مافهمته .. والا درسوني .. الخ ذيك الساعة تباكو على العلاوة اذا أشتغلتم صح ..

يا أخي العزيز نحن درسنا في نفس جيلك أو الجيل اللي يسبقك ، نعم كان هناك تعسف وضرب أحيانا لامبرر له من قبل إدارات المدرسة والمعلمين .. لكن والحق يقال كان هناك تعليم جاد أسهم في ارتقاء أبناء الوطن ..

الذي اختلف الآن هو أن المعلم محارب من كل الجهات من الوزارة التي هي من المفترض أن تكون صمام الأمان له ..!

ومحارب أيضا من فئات المجتمع سواء كان من الناجحين أو الفشلة فهو محسود على ما أنعم الله به عليه من نعم ..


أخيرا تأكد ياعزيزي أن المعلم هو ابن الوطن ويربي أبناءه ويغار عليهم أكثر من الأجانب وهذا نتاج تجربتي مع الزملاء العرب ..

يجب أن تكون هناك خلخلة لطرد الدخلاء على هذه المهنة ولتكن الرخصة المهنية والتي لا يجب أن ترتبط بالعلاوة بأي حال من الأحوال ...!





رد مع اقتباس