عرض مشاركة واحدة
  #15  
قديم 21-07-2019, 02:24 AM
سعادة الوزير العاطل سعادة الوزير العاطل متواجد حالياً
عضو الشبكة الليبرالية
 
تاريخ التسجيل: Jan 2018
رقـم العضـويـة : 43880
الدولة: كندا
العمر: 29
الجـنــس : ذكر
المشاركات: 614
أعجبني: 1
تلقى إعجاب 63 مرة في 56 مشاركة
افتراضي

اقتباس
مشاهدة المشاركة المشاركة الأصلية كتبت بواسطة ايام حلوه
كان لعب دواماتهم ، كأن ماوراهم مسئولية ، بعدين اشوفهم يخلون الحصص الأولى للسعودي ، والحصص الاخيرة للأجانب .. واذا قربت الاختبارات النصفية او النهائية آخر اسبوع مايداوم الا الاجانب بس ، المدرسين السعوديين غايبيين . ماادري وش فهمو من كلمة ( العدل ) .
واذا جاء مدرس يغطي على مدرس غايب ، يجي الفصل بس علشان يمنع اصوات الطلاب ويهجدهم ، وتلقى نفسه في طرف خشمه ماله نفس يقابل الطلاب . او على الأقل يسولف وياهم .. جاي مغصوب من المدير يغطي عن خوية الغايب .
كنا ننجلد كل يوم ، صار روتين نستغرب لو مر يوم دراسي من ضرب في الفصل او المدرسة ، تخيل حتى في رمضان أول حصه يضربون الطلاب علشانه تأخر عن الطابور الصباحي ، او ماجاب الواجب ، او كان ياخذ من زميلة قلم او ورقة ..الخ ، قسم بالله صرنا نخاف من غير مانسوي شيء ، ماصار عندنا ثقة بالمدرسين ولا الإدارة . كل واحد صار يحط حرته وعقدة النفسية ومشاكلة على الطلاب . لدرجة خلاص عقولنا طقعت من الخوف ، صرنا نجيب للمدرس هدية عصا غليظه ناعمة ماتنكسر بسهولة ..
طلاب في الابتدائيه والمتوسطة والثانوي صغار تضرب فيهم ليه ؟ واحد من الطلاب يغش في الامتحانات النصفية او النهائية جايب معه براشيم ، يجرجرون فيه وارفع يدك وضرب قوي بالعصا في الاخير سقطوه وعاد السنه بسبب المادة . طيب خلاص خلوه يعيد السنه وسقطوه ، ليه كل هالضرب والتسحيب وقتال الشوارع وإهانات وكلامات مثل يالسربوت يالداشر .. الخ ، والله نشوف يمر عندنا من السيب قلت خلاص بيذبحونه او يسلمونه للشرطة ويحاكمونه ..
ماأدري وشلون يجيهم قلب يسون كذا مع الطلاب الصغار ؟ كل المدرسين متخرجين وقتها من الجامعة وعطوهم 50 الف ريال او قطعة أرض في الرياض كـ مكافأة لهم على التخرج . يقدم اليوم على وظيفة مدرس 6 شهور بالكثير وهو متعين في نفس مدينته ونفس الحي اللي ساكن فيه . ماكان فيه زحمة طلاب في الجامعات ولا كان فيه مدرسين سعوديين أكثر المدرسين أجانب ماعدا المدير ووكيل المدرسة واثنين او خمسة مدرسين سعوديين .
ومو عاجبهم الوضع وجالسين يدلعون علينا انهم يوقفون لما يشرحون الدرس ، طيب هذي مهنتك لازم توقف أجل وشلون تبي تدرس الطلاب ؟ نحط لك كرسي أم دوار
يارجل حتى الفسحة اللي هي راحة للطلاب ياكلون ويريحون فيها من الجلوس الطويل على الكراسي الخشب سيئة الذكر ، مانسلم من الضرب والصراخ وكأننا في معتقل الهولوكوست ..
واحد من المدرسين المطاعة حقين الدين اقترح اقتراح حلو ، كانت المدرسة فيها طلاب متوسط وطلاب ثانوي ، فشاف أنه الأفضل الفصل بينهما ، لكن كيف ؟ حقين المتوسط يطلعون لحوش المدرسة بعد مايخلصون من المقصف ، وطلاب الثانوية يجلسون داخل المدرسة وفي الفصول ، وحاطين ماشاء الله حراس عند الداخلي اللي يودي للحوش ، حراس مدرسين هم بابين ، كل مدرس على باب يخلي حقين المتوسط يمرون ويمنع حقين الثانوية من الخروج والاستمتاع بأجواء الشتاء والمطر على وقتها .. بس ماطولت قعدو اسبوع يطبقونها وفشلت كعادة أي فكرة تطلع من مطوع مقفل مخة ، حتى اللي عنده اخ في الثانوية مايخلونه يطلع مع اخوه اللي في المتوسط .. عقولهم خرا وانتم بكرامة تلقاه يفكر يمنع الفتنة من هؤلاء الصبية الصغار .. طيب حقين الثانوية بزارين صغار بعد ، وش شايفنا يلعن مخه المعفن . اشكال المدرسين اللي حارسين الباب يضحك ، اشكالهم غبية وهم يفتحون ويسكرون الباب ، الحمير طيب هذانا نختلط في المقصف وفي الاسياب ، حسسوني انهم بنات مو عيال متوسط
لعن الله ايام الصحوة المقيته ، أول ماصار الحكم للخميني في ايران وسقط شاة ايران ، انهبلو ربعنا وقالو لازم نطلع صحوة سنية مثل ماعندهم صحوة شيعية في ايران . وكانت النتيجة مأساوية اللي تعلمو في الجهاد في افغانستان والشيشان ، قلبو ارهابيين وضد الحكومة والوطن والشعب . وطلعو مشايخ الصحوة فتاوى ماادري كيف واحد عاقل طول بعرض يقولها على التلفزيون ، أجل بالله تنصح المسلمين وتفتي بقتل ميكي ماوس ؟ خلصت مشاكلنا وخلص تعلم الدين عندنا مالقى الا يحرض المسلمين على فأر ؟ فكرتها صارت ظاهره عندنا وكل بيت عنده فار يربية ويطب على الجيران ويزعجهم .. طلع مافيه من هالكلام والعالم ناسية شكل الفار اصلا ، مايعرفون الا صورة ميكي ماوس .
واللي يفتي لك ويقول العصا لمن عصا ، سماحة الدين كلها حاطها على جنب ، مايعرف الا العصا وقطع يد السارق ورجم الزاني . هذي هي خلاصة الدين عندهم ، وتلقاهم يحنون لمناظر قص رقبة الناس وقطع ايديهم ورجمهم ، قلوبهم معصورة لتلك المناظر التي سمعو بها ولم يروها قط في حياتهم
والله اذكر الشباب يروحون يصلون الجمعة ، بعدين يضربون مشوار للصفاة في الرياض علشان يشهدون عملية القص وقطع الرأس ، اللي واقف في الشمس ينتظر واللي متعلق في شجرة كأنه قرد داق اللطمة ومطلع سرواله . بعدين يرجعون لبيوتهم ويتغدون ويقصون السالفة على أهل البيت وعلى اخوياهم . في افغانستان على ايام طالبان يوقفون لعب الكورة في الإستاد ، وكل لاعب ياخذ له بريك نصف ساعة ، ويجيبون اللي محكوم عليه بالقصاص ويقصونه امام الجماهير اللي جايه اصلا تتفرج على الكورة علشان يأكدون للناس انهم يطبقون الدين . اللي خلاصته عندهم اقطع ارجم أجلد .. عاد وتشوف البزارين الافغان يلعبون ببقايا الجثة اللي شايل له يد ، واللي ظفر برجل والحمدلله على نعمة العقل . لا ومسمينها الامارة الاسلامية في افغانستان مصدقين انهم هزمو الروس بمجهودهم .. ماكأنا امريكا ودول الخليجي والدول العربية كلها تدعمهم بالمال والسلاح . ويوم اعتدو على امريكا في حادثة 9/11 قامو المواطنين الأفغان يتبجحون ويتعالون ويقولون واثقين من أنفسهم بأن امريكا لو حاربتهم لأنقسمت امريكا الى 50 قطعة او انهارت ، وخلال ايام من بدأ الحرب سحقو طالبان وتنظيم القاعدة ومعلمين التميس وعلموهم إن الله حق . وصار يهربون كالفئران خارج افغانستان . وكل اللي مرسلينهم الجيش الامريكي مايتعدى 30 الف جندي امريكي .

ياأخي الواحد يقول كلمة حق لم نكن نتعرض للضرب بلا سبب واذا كان لا بد منه
كانت بالمسطرة الخشب وعند قدوم اهل الجنوب جلبوا معهم الخيرزان واحيانا السلك
الكهرباء لكن كان في اخلاص بالعمل وقوة تحمل من أضرار التباشير
وألف شكر لهم






رد مع اقتباس