عرض مشاركة واحدة
  #27  
قديم 20-09-2019, 01:35 PM
الصورة الرمزية siinmar
siinmar siinmar غير متواجد حالياً
عضو الشبكة الليبرالية
 
تاريخ التسجيل: Mar 2011
رقـم العضـويـة : 13656
الدولة: حزم الجلاميد
العمر: 54
الجـنــس : ذكر
المشاركات: 1,118
أعجبني: 5
تلقى إعجاب 43 مرة في 38 مشاركة
افتراضي

اقتباس
مشاهدة المشاركة المشاركة الأصلية كتبت بواسطة ايام حلوه
والله مو منك ، من هالمشايخ والدعاة المتفلسفين اللي يوديك في المعنى شرق وغرب ، تسأله وش معنى اضربوهن يرد عليك ويقول الضرب له أكثر من معنى في اللغة العربية ويجلس يسرد لك أمثله وآيات في القرآن الكريم ، ويدخلك من هنا ويطلعك من هنا لين يخليك تنسى سؤالك . على باله بيسوي خير وينفي صفة ضرب الزوجة .
وكأن ضرب الزوجة ماصار الا أمس او ماصار الا عند المسلمين بس ، سبحان الله الضرب موجود ومعروف من يوم ماخلق الله الإنسان . الزوج يضرب زوجته والاخ يضرب اخوه واخته ، والاخت تضرب اختها والام تضرب ولدها وبنتها واوقات تضرب زوجها اذا فيها قوه
ولاهو واجب على الزوج يضرب زوجته ، مثل الصلاة اذا صلاها يؤجر واذا تركها يأثم .. ماهو أمر من الله انك تضرب زوجتك ، والا شفنا الأزواج ( جمع زوج اللي هو الرجل ) شغالين ماشاء الله ضرب بحريمهم لإبتغاء الأجر والحسنات .
مثل واحد كان يضرب مثال انك ماتضرب ضرب مبرح ، لكنه خربها او ( عماها ) ، يقول مو مثل الشغالة السيرلانيكة اللي أول مره تخدم في حياته ، ترفع ضغطك وتستلمها ضرب انت وزوجتك ... .. بعضهم ليته ياكل زق ويسكت أحسن له .
نرجع لمحور حديثنا .. اللي يقول الله يأمر المسلمين بضرب زوجتاهم ، ماعنده سالفه ، ولا يفهم بالدين ولا يفهم باللغة ، لأنه اختياري ماهو ( أمر ) مثل مايحاول يفهمه الجهال ، يعني لو اكتفيت انا بالنصيحة وهجر الفراش يكفي . ماني مجبور ولا مغصوب اني أضرب زوجتي . والا كان الرسول الكريم والصحابة رضي الله عنهم شغالين ضرب في زوجاتهم ، وكان شفنا الرواة مدهرين بنقل أحاديث ضرب الزوجات ، ولو أنه أمر وغصب تضربها كان شفنا مجلدات عن احاديث ضرب الزوجات النبي الكريم له باب وباقي الصحابة يخصص لهم كل واحد باب لحاله .. ، لكن هالشيء لم يحدث ليه ؟ لأن مفهومنا للآية او كلمة ( فاضربوهن ) هو مفهوم خاطئ ، الأولين زمان فاهمينه صح ، لكن بسبب إنتشار ( أشباه الرجال ) في العصر الحديث ، زادت الجرائم في حق النساء وأصبحت شبه منتشرة ، ومع إزدياد الجهل والمتشددين الذين يشوهون الدين ويلقون بالآئمه على المستشرقين والكفار من اليهود والنصارى ويطلعون نفسهم منها . وجب إيجاد قانون يردع ويوقف جرائم ( الضرب ) سواء للزوجة او للأبناء والبنات .

والدين واضح مو محتاج ، أجمل فيه او اكحل فيه ، ياخي أعتبرني كذاب ، أفتح اي كتاب تفسير او أي موقع تفسير وشوف كلام المفسرين ، الطبري وأبن كثير والجلاليين والقرطبي ، هذولي الأربعة أعلام التفسير عندنا مشهورين أشهر من نار على علم ( علم يعني الجبل مو العلم العادي اللي يرفرف ) .
شف وش يقولون عن تفسير كلمة ( فأضربوهن ) ، اتحداك إن حصلتهم يقولون ضرب مبرح اللي فيه كسر عظم او إهانه او اللي يخلي المراة تبكي من الألم او من القهر . او اللي يمسك بشعرها ويخبط راسها بالحيط .. الخ
كلهم يقولون ضرب غير مبرح ، اللي نسميه اليوم بـ ( ضرب الحبيب ) ضرب عتاب وملامه . ضرب مايترك أثر على الجلد ، مايخليه أحمر او ازرق ، مو يمسك يد زوجته ويلويها لين يكسر يدها او قرب يكسر يدها . والا يدفها مع ظهرها ويخليها تصقع في الجدار . هذا صحيح داخل في كلمة ( ضرب ) لكنه ضرب تعذيب ، ضرب شخص يضرب عدوه اللي يعتدي عليه وعلى بيته .
إذا الاسير حق الحرب ، نهى الدين عن ضربه وتعذيبه ، فكيف فهمنا أن ضرب الزوجة معناه إهانتها وتعذيبها ؟ العبد المملوك وكلنا عبيد لله ، لو سيده ضربه ، كفارته أن يعتقه ، والا استوجب عقاب الله عليه ، وهذا هو الدليل قال صلى الله عليه وسلم ( من ضرب غلاما له حدا لم يأته أو لطمه فإن كفارته أن يعتقه ) . مجرد صفقة كف على وجهه يغضب الله عليه وكفارتها عتق العبد او الغلام او المملوك وعدم العيش او العمل مع سيده اللي شراه بماله ودفع فيه مبلغ وقدره .

والآية الخاصه بالزوجين واضحه كالشمس ، ماتحتمل التأويل الذي يقول ضرب مبرح او إهانه او تعذيب كما يفعله بعض ( أشباه الرجال ) الجهله المرضى . اسمع كلام الله تعالى ( الطَّلَاقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ وَلَا يَحِلُّ لَكُمْ أَن تَأْخُذُوا مِمَّا آتَيْتُمُوهُنَّ شَيْئًا إِلَّا أَن يَخَافَا أَلَّا يُقِيمَا حُدُودَ اللَّهِ فَإِنْ خِفْتُمْ أَلَّا يُقِيمَا حُدُودَ اللَّهِ فَلَا جُنَاحَ عَلَيْهِمَا فِيمَا افْتَدَتْ بِهِ تِلْكَ حُدُودُ اللَّهِ فَلَا تَعْتَدُوهَا وَمَن يَتَعَدَّ حُدُودَ اللَّهِ فَأُولَٰئِكَ هُمُ الظَّالِمُونَ ) .

الآيه واضحه لا يختلف فيها إثنان ولا يتناطح فيها عنزان ، قالك إمساك بمعروف يعني وقت الزوج ، وقت ماتكون زوجتك تعاملها بالمعروف ، طيب وقت الطلاق وش نسوي ؟ قالك تسريح بإحسان ، يعني أعلى مرتبه في مراتب الدين اللي هي 1- الاسلام 2- الايمان 3- الإحسان
والاحسان أن تعبد الله كأنك تراه ، فأن لم تكن تراه فأنه يراك ، مو تقولها خوذي عفشك وانقلعي من البيت ، او تصلي بابوك او اخوك ياخذك ، او تعذبها في المحاكم في حضانة الاطفال وتكسر قلبها ، أو اطلع عليها كلام مو زين عن اقاربها وقرايبك ، او تفضح لها سر قالته لك .. الخ
وبس ، والدعوه ماهي هذي زوجتي او بنتي وانا حر فيها ، مثل مايسوونه الجهله واللي يقلدونهم . وجرائم الناس وتصرفاتهم الشنيعه ماهي حجه على المسلمين او على الدين . لكن بسبب ظهور ( الصحوة ) والمتشددين زادت جرائم الناس في حق بناتهم وزوجاتهم . واختفت القوانين اللي تحفظ لهم حقوقهم بحجة أن الكفار الغرب والمستشرقين يريدون المراة حره طليقة بلا قيود . وصار فيه لبس لدى الناس بين الحق والباطل وكثره من يشوه الدين ويمشي على مزاجه من المتشددين المتعصبين .

فمعنى الضرب هنا مو ( أدبغك ) كما فهمه السفهاء من الناس وأخذها عذر علشان يطلع عقده النفسية بزوجته او في بناته وعياله .

ضرب خفيف ، زي ضرب الاخويا مع بعضهم ضرب عتاب مو ضرب مصارعه وسوبلكس ومرفق او ينقز عليها من أعلى حبال الحلبه كأنه سنوكا ..








التـوقيـع [SIGPIC] لاتعبثوا بحياه الاخرين ....
رد مع اقتباس