حلوم جن

[Mira]

اقتباس المشاركة الأصلية كتبت بواسطة أبن الهيثم شكلك متعشية فول قبل النوم. مرة جاني كابوس تقل كني جالس على كرسي تعذيب كله من فول الطاوة الله لايعيده

اخبر الناس يفطرون فول مو يتعشونه

[Mira]

اقتباس المشاركة الأصلية كتبت بواسطة prince حلمتي بالجن لانك طولتي الغيبه عن الشبكه ترى للشبكه حوبه

كذا يعني؟

[كروكودايل]

وانا كل ما أحلم بـ ماروكو أحصلك كاتبة موضوع .. !





وي ميس يو

[ايام حلوه]

ولكم باك ..


الجن موجودين مافيها كلام .. انا شفتهم مرتين بعيني ذي اللي بياكلها الدود .

أما مسألة الغش والتحايل والنصب عن طريق المعالجين وبعض الرقاة .. فهذا شيء طبيعي ، فالغش والنصب دخل في كل شيء .. مو بس في الامور الدينيه لبعض ضعفاء النفوس .
النصب والفساد .. دخل في الطب .. دخل في القضاء .. دخل في الوزارة .. دخل في الأكل والشرب .. دخل في الادوية .. دخل في السياسة .. في التعليم .. حتى بين الاخوان انفسهم دخل بينهم الغش والفساد وهضم الحقوق ..
فليش يعني حبكت على النصابين حقين الشفاء من آثار الجن ؟ يعني غريبة نشوف ناس نفوسهم ضعيفة يتاجرون بالدين وينصبون على الناس ؟
امور الناس ماهي واحد ، فيه ناس اضطرو للنصب بأسم الدين علشان يكون عنده مدخول مادي ، ماعنده وظيفة يعيش منها ولا عنده أرض يشتغل فيها علشان يعالج نفسه ويعالج عائلته وامه وابوه .
فيه كثار مساكين ، مات امه او ابوه او زوجته او بنته بأمراض لأن المستشفيات الحكومية ماعندها سرير او العلاج غير متوفر الا في الخارج .. واكيد طلب مساعدات مالية من الناس وما جاه الا ربع مبلغ قيمة العملية .
فالوضع خطير ، والرجل يأس من حياته .. خصوصا من هم في الدول الفقيرة كاليمن او المغرب او مصر او السودان .
فيه خبر قريته قبل يومين .. عن تبرع رجل سعودي لطفلة مصرية بـ 12 مليون جنية مصري . لعلاجها من مرض نادر في مصر .
فإذا كان الرجل بين خيارين .. اما رؤية أهله يموتون أمامه ولا يفعل شيء .. او يزاول مهنة الرقية الشرعية بالنصب والاحتيال وايهام الناس بالعلاج . حتى لو كان دخله قليل لكن على الأقل يعيش بكرامة مع أهله المحتاجين المساكين التي تخلت عنهم الحكومة وتخلى عنهم الاقارب والناس .
ولا يعني هذا ان مايفعله المحتالين والنصابين هو عمل مشروع ، لكن للضرورة أحكام وتضحيات حتى لو كانت بالحرام او بغش الناس والنصب عليهم .
ولا يأخذ منك الا مبلغ بسيط للكشف والرقية .. وغيره يأخذ ملايين ومليارات من حقوق المواطنين ولا يقال له شيء بل نحطه فوق روسنا ونفتخر أننا عزمناه في البيت .


جيدين على الضعوف بس .. والكبارية حلال عليهم ينصبون علينا . واذا قبض عليهم رجعو الفلوس واطلعو .. اما الراقي النصاب المسكين يحكم عليه سنه ونصف سجن وجلد علشان ماعنده تصريح من وزارة الشئون الاسلامية .

[her majesty]

يامرحب ميرا . يارب تكوني وش خير. وترجع ساره كمان

[Basic]

زمان كانت تخوفني قصص الجن الان اسمعها و اضحك
حتى بالافلام صارت تسبب لي النوم
مرحبا بك افتقدناك و الله

[PHOENIX]

يا مرحبا بعودة غاليتنا ..!

أنا قد حلمت بشوشو بذاته ..!

جسمه لونه بني، و يلمع، و عليه حرافيش مثل السمك، و في طرف ذيله، رأس سهم، و له قرنين صغار، و شايل عصاته ذيك، اللي في طرفها ثلاث شوكات .... تذكرت عيونه، كان لونها أحمر ..!

هذا حلم صدقي، و ليس من نسج خيالي ...... أما الحلم الخربوطي، اللي مألفه من راسي، و سألت عنه إمام مسجدنا، و طلبت تفسيره للحلم ... فأنا قلت له: يا شيخ، أنا حلمت اني خارج من المسجد، و معي ناس كثيرين ... و كان الشيطان، و اقف عند باب المسجد، و في يده حبل و في طرفه حلقه دائرية ( انشوطة ) مثل حقات رعاة البقر .... المهم، ان الشيطان كان يرمي أنشوطته ذيك على الناس كلهم، و يسحبهم له ... و أنا مريت جنبه، ولا عمل لي شيء، و تركني أروح ... فوش تفسيرك لهالحلم يا شيخ ..؟

قال: يا ولدي، الشيطان يبي يغوي الصالحين، و يجذبهم له ... أما أنت فالشيطان ضامن فسادك، ولا يبي يتعب نفسه معك هههههههههه

[Qassimy online]

هلا ميرا ولكم باك
للحين مغرمه بالأحلام والكوابيس ؟
انا ماعرف الأحلام الغريبه المزعجه الا بعد ما اوقف شرب المشروبات كحوليه , وتكون مركزة فترة الأعراض الإنسحابية , لذلك انا ما اهتم كثير بالأحلام لان مكانها بالراس وتنتهي بالراس

[TARIQ.Q]

ارحبي تراحيب المطر

غيابك أكثر وحشة من سوالف الجن والأشباح :)

ما عندي اهتمام كبير بمواضيع الأحلام وتفسيراتها،
لكن اتوقع ممكن لها -قصص الجن- تأثير قوي عليك في لحظات سابقة بالتالي لما تنامين وانتِ متضايقة تحلمين فيها . (مجرد توقع اقرب للتخمين يمكن ما يكون تفسير صحيح)

طبعاً استنتاجي هذا قياس على حالة المدمنين سابقاً ، حتى بعد التعافي من الأدمان بسنوات ، الأغلب منهم لما ينام وهو متضايق تكون أحلامه لذيك الليلة بوليسية (مطاردات شرطة ومداهمات ..الخ ).

[كلاش]

ياقلبي تحلمين بالجن
أنا اشوفهم بالحقيقة

[كلاش]

اقتباس المشاركة الأصلية كتبت بواسطة PHOENIX يا مرحبا بعودة غاليتنا ..! أنا قد حلمت بشوشو بذاته ..! جسمه لونه بني، و يلمع، و عليه حرافيش مثل السمك، و في طرف ذيله، رأس سهم، و له قرنين صغار، و شايل عصاته ذيك، اللي في طرفها ثلاث شوكات .... تذكرت عيونه، كان لونها أحمر ..! هذا حلم صدقي، و ليس من نسج خيالي ...... أما الحلم الخربوطي، اللي مألفه من راسي، و سألت عنه إمام مسجدنا، و طلبت تفسيره للحلم ... فأنا قلت له: يا شيخ، أنا حلمت اني خارج من المسجد، و معي ناس كثيرين ... و كان الشيطان، و اقف عند باب المسجد، و في يده حبل و في طرفه حلقه دائرية ( انشوطة ) مثل حقات رعاة البقر .... المهم، ان الشيطان كان يرمي أنشوطته ذيك على الناس كلهم، و يسحبهم له ... و أنا مريت جنبه، ولا عمل لي شيء، و تركني أروح ... فوش تفسيرك لهالحلم يا شيخ ..؟ قال: يا ولدي، الشيطان يبي يغوي الصالحين، و يجذبهم له ... أما أنت فالشيطان ضامن فسادك، ولا يبي يتعب نفسه معك هههههههههه

شكله ماهو مرتاح لك امام المسجد
ولقاها فرصة

[ميثــاء]

حياك ميرا
برجع اقرا حلومك

[مسلم منافق]

Welcome back

بالله تعال يا ثامر شوف الموضوع @سوني
مادري اذا صح المنشن!

Sent from my Redmi Note 3 using Tapatalk

[لمـار]

اهلين ميرا نورتي
من زمان ماحلمت بالجن

[Mira]

اقتباس المشاركة الأصلية كتبت بواسطة flower دايم احلم فيهم واصحى ناسيه ثلاثه ارباع الحلم ومن كثرها وتطنيشي غسلو يدهم مني ومعاد احلم فيهم والجن في الاحلام حقيقه

شلون يعني حقيقه .. زي الرسول يعني؟